ആ മഴമരത്തണലില്‍....
വറ്റിവരണ്ട
മരുഭൂമിയില്‍, ഒറ്റപെട്ട് അലഞ്ഞുതിരിഞ്ഞ എനിക്ക്, ഒരു സ്നേഹസ്പര്‍ശമായി, തെന്നലായ്‌
കടന്നുവന്ന ആ സൗഹൃദം... ജീവിതത്തിന് അര്‍ത്ഥവും തലങ്ങളും പകര്‍ന്നുതന്ന സൗഹൃദം.
ജാതിമതചിന്തകളുടെയും കപടസ്നേഹത്തിന്റെയും മറ്റും വേലികെട്ടുകള്‍ തകര്‍ത്ത്
എല്ലാവരെയും ഒന്നുപോലെ സ്നേഹിക്കാനും സന്തോഷിപ്പിക്കാനും പഠിപ്പിച്ച എന്റെ പ്രിയ
സുഹൃത്തുക്കള്‍...
ചിരിച്ചും
ചിന്തിച്ചും ആര്‍ത്തുല്ലസിച്ചുo ആ മഴമരത്തണലിനുകീഴെ ഞങ്ങള്‍ ചിലവഴിച്ച സായാഹ്നങ്ങള്‍...!
ഓരോരോ പൂവിതളുകള്‍ കൊഴിഞ്ഞുപോകുംപോലെ, ഓരോ
സായാഹ്നവും ഞങ്ങളെ വിട്ട് അകലുന്നത് ഞങ്ങള്‍ നെടുവീര്‍പ്പോടെ നോക്കിയിരുന്നു. ഇനി
എത്ര നാള്‍ ഈ മഴമരത്തണലിനുകീഴില്‍ ഒരുമിച്ച് നാം ഇങ്ങനെ....?
കാലങ്ങളേറെ
കടന്നുപോയി.....
ഇന്ന് ഞാന്‍
ഒറ്റക്ക് ആ മഴമരത്തണലില്‍ മന്ദമാരുതന്റെ തലോടലേറ്റിരുന്നു. ഒരു മിന്നാമിന്നിയെപോലെ
എന്റെ ഉള്ളില്‍ പല സായാഹ്നങ്ങളുടെയും നനുത്ത ഓര്‍മ്മകള്‍ മിന്നി മറഞ്ഞു..
അപ്പോഴാണ്‌ ഞാന്‍ ആ സത്യം മനസ്സിലാക്കിയത്. പുസ്തകത്താളുകള്‍ക്കിടയില്‍ സൂക്ഷിച്ച
മയില്‍‌പീലി വര്‍ഷങ്ങളോളം സുരക്ഷിതമായി ഇരിക്കുന്നതുപോലെ, എന്റെ മനസ്സിന്റെ കോണില്‍
സൂക്ഷിച്ച സൗഹൃദo എന്നെന്നും എന്റെ ഉള്ളില്‍ ഒളിമങ്ങാതെ നിലനില്‍ക്കുന്നു, ഒരു നറു പുഷ്പത്തെപോലെ,.....
ANCHANA.V.V
Kaalam kadinjaanilathe paranuyarumpol rithubhedangalkappuram uyaratte e chuvanna kootukettu..hats off
ReplyDeletevishnujiii, kidilan (Y) superbly said.. yaa i also wish sooo
Delete